學鋼琴似整手磨咖啡？

自從我既退休學生話每朝早都要整杯手磨咖啡歎吓時☕️，我心入面就成日想整杯手磨咖啡來歎吓喇！☕️⠀

⠀

學生話自從試過手磨咖啡，就覺得真係好正，完全返唔到轉頭🙃，同即沖咖啡完全係兩回事，再飲唔返即沖咖啡喇！⠀令我想起，我教學生，由第一堂開始，就要佢哋聽咩係靚既音色，咩係唔好聽既音色，您估學生聽到當中既分別嗎？😉⠀⠀

有啲學生，一開始就聽到少少分別；有啲學生聽極都覺得無分別，要教一段長時間，先開始分到，先開始對自己既音色有所要求。😎⠀我成日都話比學生聽：「就算暫時分唔到，都跟住我既方法去彈先啦！總有一日您會聽到當中既分別。☺️」⠀

⠀

所以無論如何，都要比好既音樂比學生聽，無論係示範既音樂，或喺屋企聽既古典音樂，都務求令佢哋既耳仔升級，令佢哋對音色有要求，識得分咩係靚聲😇，咩係「核突」既聲音😫，令佢哋慢慢接受唔到「核突」既聲音。⠀

⠀

若您學習鋼琴，您想彈出靚聲，定無乜所謂？講來聽吓好嗎？🥰⠀

⠀

⠀